خدعة البنات الأربع

هذي الخدعة بسيطة جدا, تتطلب إعداد قليل جدا, و أحسن شي إنك ما تمسك البطاقات أبدا. المشاهد هو اللي يسوي كل شي.
الخدعة:
المشاهد ( في هذي الخدعة, نعتبره العضو waad ), يلاقي الأربع بنات بنفسه.

الإعداد:
3 بنات فوق الكوتشينة ( اول 3 بطاقات ), و بنت واحدةفي آخر الكوتشينة ( تصير آخر بطاقة ).

الشرح:
- أعطي الكوتشينة للمشاهد ( waad ) , و خليه يوزع البطاقات إلى 3 مجموعات على الطاولة. يقدر يوزع كيف ما يبغى, عشوائيا, و يمديه يوقف متى ما يبغى. المهم في النهاية يكون عندك 3 مجموعات متساوية او غير متساوية, أخر بطاقة في كل مجموعة هي *بنت* ( بس المشاهد ما يدري! ).

- خلي المشاهد يقلب أول بطاقة من كل مجموعة ( يصير الوجه لفوق ), و يحط الكوتشينة فوق أي مجموعة, و بعدين يشيلها, ويحط الكوتشينة مع ( المجموعة الجديدة اللي تحتها ) فوق اي مجموعة ثانية, و يشيل و يحط كل شي فوق المجموعة الأخيرة المتبقية.

- خلي المشاهد ( يفضل إنه يكون مشاهد ثاني ) ياخذ الكوتشينة, و يبدأ يوزع البطاقات من فوق لمجموعة واحدة على الطاولة, يمديه يوقف متى ما يبغى ( بس انه لازم يوقف قبل ما يوصل لبطاقة مقلوبة ). متى ما يبيغى يوقف, يقلب آخر بطاقة وقف عندها ( اي: الوجه لفوق ), و يحط الكوتشينة فوقها.

- *انشر* الكوتشينة, راح تلاقي 4 بطاقات مقلوبة, خذ البطاقات اللي مقابلها ( يعني, مقابل وجه البطاقات المقلوبة ), راح تكون الأربع *بنات.* سلم سلامي. هع هع.

لمسات أخيرة:
- مع إنه الكوتشينة فيها اعداد, ركز على ناحية انه المشاهد لما يوزع, يمديه يوقف متى ما يبغى, و يمديه يوزع بعشوائية, هذي راح تلهيه عن الإعداد, و راح تخليه يحس انه كل شي ماشي تمام, بدون أي* ضغوطات خارجية* من لاعب الخفة العظيم

- مثل الخدعة السابقة, لو المشاهد حس إنك سويت أي إعداد ( مثلا عشان ساحرنا العظيم رتب الكروت قدام المشاهد ), الخدعة طارت عليك. لازم تركز على نقطتين: أنك ما راح تمسك البطاقات أبدا, و انه المشاهد يمديه يوزع بعشاوئية قصوى.